Úrslitakeppni um logó /Final competition

Gleðilegt sumar!

Nú höfum við loksins fengið tillögu Ungverja um logó verkefnis okkar, tveimur mánuðum seinna en áætlað var. Eins og þið væntanlega munið, þá var keppni Digranesskólans í janúar.

Við höfum alla tíð haft einhverja erfiðleika í tölvusambandi við Ungverja en vonumst til að þau muni lagast.

Úrslita keppnin er eins og Eurovision: Við megum ekki greiða atkvæði með okkar eigin tillögu heldur megum velja á milli tillagna Ungverja, Ítala og Finna. Það merki sem fær hlutfallslega flest atkvæði verður þá notuð sem merki verkefnisins næstu tvö árin.

Með kveðju
Marjatta

Sögur frá Portúgal

Í dag barst okkur tölvudiskur frá Lissabon í Portúgal. Hann var frá vinaskóla okkar þarna. Á diskinum voru tvær helgisögur sem börnin höfðu skreytt og auk þeirra kynningu á borginni Lissabon og skólanum og nánasta umhverfi hans.

Í portúgalska skólanum eru nemendur frá þriggja til tíu ára aldur, þ.e. kindergarten og barnaskólinn. Þetta er saman aldurshópur og er í skólanum í Cordenons.

Bæði í Portúgal og Ítalíu eru eiginlega margir skólar sem eru undir sömu stjórn. Það er ekki eins og hjá okkur hér á Íslandi og hver skóli hafi sinn eigin skólastjóra.

Allt þetta efni frá Portúgal er komið í tölvu skólans og geta nemendur skoðað það í tölvutímum. Helgisögurnar verða þýddar á íslensku á næstu dögum og prentaðar út fyrir yngri börnin sem ekki kunna ensku.


Með kveðju
Marjatta verkefnisstjóri

Framlag Digranesskóla

Margt hefur gerst hér í skólanum síðan ég skrifaði hér síðast. Bekkirnir hafa verið að vinna að verkefnum sínum og núna eru flestir komnir að lokakaflanum.

Í þessari viku sendum frá okkur DVD disk sem geymdi samsöng á íslensku, ítölsku og finnsku. Um upptökuna og klippinguna sá Júlíus, umsjónarkennari 4.J., en söngurinn var undir stjórn Þórdísar. Þetta er ljómandi skemmtileg upptaka. Lögin sem eru á diskinum eru Sá ég spóa, Bróðir Jakob á íslensku og finnsku, og Tun, tun, tun, cattino mio á ítölsku og öll sungin sem keðjusöngur.

Auk þess fór frá okkur Umferðarlag sem tveir nemendur 4.R. bekkjar, þær Magnea og Ragnhildur, sömdu. Stelpurnar teiknuðu einnig skemmtilegar myndir með laginu og voru þær skannaðar og sendar með textanum og hljóðskránni.

Birkir (8.E.) er nýbúinn að ljúka við að teikna myndir við þjóðsöguna Selshaminn og er nú verið að setja á hana enskan, ítalskan og finnskan texta. Búið er þegar að prenta út íslensku útgáfuna og verður hún í Comeniusarkörfunni sem er að ganga milli bekkja og seinna á bókasafninu.

Vikurnar eftir páska verða svo einhvers konar uppskeruhátíð fyrir allt starfið. Eftir er að birta formlega vinnu 5. bekkjar, en þeir hafa unnið að kynningarefni um Ísland. - Margt fleira er á döfinni.

Allt þetta efni er geymt í tölvu skólans og geta nemendur horft / hlustað / lesið þar.
Í undirbúningi er að gefa sumt af þessu út á diski en líklega er ekki hægt að setja stærri skjöl á heimasíðu skólans fyrr en á næsta skólaári.

Reyndar má segja að framhaldið velti á því hvort við fáum lengingu á styrknum sem okkur var veittur fyrir ári síðan. Gengið var frá umsóknunum í gær og nú er bara að bíða eftir svarinu.

Mynd: Magnea og Ragnhildur - upprennandi tónskáld?

Með páskakveðju

Fyrir hönd Comeniusarteymis Digranesskóla

Marjatta, verkefnisstjóri

Logótillögur frá Finnlandi - Finnish logos

Here you can see the propositions that got the most votes in the logo competition in Tammisaari, Finland. The dove got the most votes and therefore it will be in the final voting between the schools in April.

We are still waiting for the results from Budapest, Hungary, Deák Diák Általános Iskola.

We have also got new material from Italy, Circolo Didattico di Cordenons. Their pupils and teachers have been very diligent. Among other things we got an illustrated story based on Little Red Riding Hood, only this time the Riding Hood had friends and they all were naughty. Also we got a folktale about a water fairy called Margheritute, illustrated and read (sound files) by the pupils.

Þetta reyndist vera eintómur misskilningur að Finnar ættu ekki skanna. Þegar tengill þeirra, Päivikki, fór að kanna málið, kom í ljós að skanni hafði verið keyptur í skólann en að tölvukennarinn hafði aldrei tengt hann né heldur sagt kennurunum frá honum - sjálfur tölvukennarinn hafði ekki talið nokkra þörf fyrir skanna!

Jæja, nú þegar skanninn er fundinn eru kennarar skólans í Hakarinne að æfa sig í notkun hans.

Í dag bárust mér svo tillögur þeirra í logósamkeppninni og verða þær birtar hér. Vinningshafinn í atkvæðagreiðslu nemenda í Hakarinne var dúfan. Þið skuluð skoða þessar tillögur og bera saman við tillögur hinna skólanna.

Reyndar eiga Ungverjar eftir að skila tillögum sínum.

Þar sem í aætlun okkar er einnig að birta Myndaorðabók á fimm tungumálum áður en verkefninu Tales og Europe lýkur, þá kenni ég ykkur hér til gamans smávegis finnsku:

Samstarfsskólinn okkar í Finnlandi heitir Hakarinteen koulu. Nafnið þýðir Brekkuhagi (eða reyndar Hagabrekka), orðið haka er sem sé tökuorð úr skandinavísku, rinne aftur á móti er egta finnskt orð of þýðir brekka.

Svo að lokum má nefna að við fengum góða sendingu frá Ítalíu. Nemendur skólans Circolo Didattico di Cordenons höfðu samið "nýja þjóðsögu" sem byggir á Rauðhettu nema að í þetta skipti var Rauðhetta og vinkonur hennar illa inrættar (og fengu makleg málagjöld). Einnig kom sagan um vatnadísina Margheritute.

Báðar sögurnar voru myndskreyttar en undir vatnadísina höfðu nemendurnar lesið á ítölsku svo að við getum heyrt hvernig tungumálið hljómar. Sögurnar voru í PP formi svo að við getum bæði lesið (og heyrt) þær á tölvuskjá en einnig prentuðum við þær út fyrir þá sem frekar velja pappirsútgáfuna. Sjálfsagt voru sögurnar fyrst þýddar yfir á íslensku. Sýnishorn af þeim mun birtast hér á síðunni innan skamms svo ég hvet ykkur að fylgjast með.

Kveðja

Marjatta

Fréttir frá Finnlandi og Ungverjalandi

Þær fréttir hafa borist frá Finnlandi að þeir geti ekki skilað tillögum sínum um merki (logó) verkefnisins Tales of Europe vegna þess að skóli þeirra á ekki skanna og það kú heldur ekki að vera í fjárhagsáætlun þessa skólaárs að kaupa skanna!

Þetta kom okkur hér á Íslandi sjálfsagt mjög á óvart því að varla er til skóli hér á landi þar sem ekki er til skanni. Slíkt tæki er einnig í mýmörgum heimilum.

Hingað til höfum við hugsað að Finnland sé mjög tölvuvætt, enda heimaland NOKIA, en í þessu tilliti skjátlaðist okkur. Reyndar kom það okkur mjög á óvart að í skólanum í Tammisaari voru örfáar tölvur en aftur á móti var sjónvarp og vídeótæki í öllum kennslustofum.

Ég sendi Finnunum tölvuskeyti og bað um að þeir taki digitalmynd af teikningunum og sendi síðan myndina gegnum netið. En hugsanlega á skólinn heldur enga digitalmyndavél, en væntanlega getur einhver kennari lánað sína. Við bíðum því spennt eftir myndunum frá þeim. En við Magnea, Ingibjörg og undirrituð, við sáum tillögurnar í nóvember, þegar við sóttum skólann í Tammisaari heim. Margar myndirnar voru mjög flottar .

Það verður einnig spennandi að sjá hvað kemur frá Ungverjalandi.

Frá Ungverjum er annars það að segja að 6. bekkur þeirra og umsjónarkennarinn, sem heitir Eva, hafi mikinn áhuga á að tengjast vinatengslum við 6. bekk okkar hér í Digranesskóla. Eva sendi mér tölvupóst um þetta mál, sem ég svo áframsendi til þeirra Guðnýjar Katrínar og Guðrúnar Hvannar. Nú er bara að 6. bekkurinn skrifi eitt fallegt sendibréf til þeirra í Ungverjalandi.

Héðan úr "höfuðstöðvum" Comeniusar er það að frétta nú er kominn tími til að endurnýja umsóknina um Comeniusstyrkinn (fyrir skólaárin 2007-08 og 2008-09). Þetta er heljarmikill bunki af blöðum sem við þurfum að fylla út og allt saman á ensku. Mjög ítarlega verður að tíunda hvað gert verður og hvers konar end products við ætlum að hafa og hvernig við ætlum að meta árangurinn af þessu starfi. (Um allt þetta mun ég ræða seinna hér)

Við sleppum reyndar auðveldara en hinir samstarfsskólarnir því að þeir verða skila umsóknunum einnig á sínu tungumáli og þýða því úr enskunni. Hér heima er aftur á móti gengið út frá því að embættismenn sem taka á móti umsóknunum geti lesið enskuna og því þurfum við ekki að skila umsóknunum inn á tveimur tungumálum.

Kveðja

Marjatta

Sigurvegarinn í logókeppni Ítala

Fréttin mín um blekfiskinn sem sigurvegari í logókeppni Ítalanna var á misskilningi byggt. Því miður, hugsaði ég, því að mér fannst blekfiskurinn afar skemmtilegur. Hér fyrir ofan er mynd af þeirri tillögu sem vann hjá nemendunum í Cordenons, stjarna sem snýst og fánarnir á örmunum. Hún er afar vel unnin og er frágangurinn snyrtilegur. Ykkur lesendum til skemmtunar og fróðleiks læt ég einnig fylgja myndir af þeim tillögum sem voru í atkvæðatölunni næst á eftir sigurvegarann.

Nú eigum við eftir að fá myndir frá Finnunum og Ungverjum en vegna þess hve Portúgalar komu seint inn í verkefni er ekki viss hvort þeir hafi tök á að senda inn tillögur.

Kveðja

Marjatta, verkefnisstjóri Tales of Europe

Fréttir frá Ítalíu - "Comeniusarkarfan á ferð"

Sabina, tengill skólans í Cordenons sendi okkur mynd af vinningstillögunni í logókeppninni hjá þeim. Merkið var virkilega skemmtileg útfærsla af blekfiski með fimm lappir og var hver löpp í litum eins samstarfslandanna. Því miður tókst mér ekki að hlaða myndina upp og geri nýja tilraun seinna í dag.

Sabina telur einnig upp fullt af skemmtilegum verkefnum sem krakkarnir í Cordenons hafa verið að vinna að. Þeir hafa bæði verið að taka upp tónlist og einnig unnið að þjóðsögum - búið til nýja og myndskreytt og svo framvegis. En þeir hafa kvartað að hafa ekki fengið neitt frá hinum skólunum. Við verðum því að láta hendur standa fram úr ermunum og senda frá okkur pakka til krakkanna á Ítalíu sem fyrst!

Frá okkur er það að frétta að "Comeniuskarfan", það er efnið sem safnast hefur hingað til er nú á hringferð um skólann. Karfan fór fyrst í 6.G. og á svo að fara í alla bekkina svo að þið getið kynnst efninu, hlustað á tónlistina, sungið og einnig skoðað bækurnar. Engilega spyrjið kennarann ykkar spurninga, ef þið viljið vita meira.

Kveðja
Marjatta