Portugal joining us - A five country project

Good news - but they mean some minor changes

This morning we got a message telling us that Portugal - inspite of the previous negation - had got a grant for joining us in the project Tales of Europe. We are glad to hear this, since Portugal had been in the preparation of the project from the very beginning and one of the most creative partners. Welcome, Maria, and your school Agrupamento de Escolas Patricio Prazeres in Lissabon. We look forward to continuing the good work with you.

(Icelandic for Digranesskóli)
Þau gleðitíðindi bárust okkur í morgun að starfsfólki Comeniuskrifstofunnar í Lissabon hafði snúist hugur varðandi Prazeres-skólann (Agrupamento de Escolas Patricio Prazeres), sem hafði verið með okkur í undirbúningi verkefnisins Tales of Europe og sótt um styrk eins og við hér í Digranesskóla. Maria, sem er tengiliður Prazeres-skólans kom m.a. hingað til Íslands í fyrra og sat undirbúningsfundinn með fulltrúum hinna samstarfsskólanna og var vitaskuld leið, þegar skólinn hennar fékk höfnun, einn fimm skólanna sem stóðu að verkefninu.

Nú, þegar í ljós kom að reglunum í Brussel hafði verið breytt og að þessi neitun mundi útloka Prazeres einnig á næsta ári, ef þeir eru ekki með á skólaárinu 2006-07, ákváðu þeir á skrifstofunni að venda kvæði sínu í kross og veittu Prazeres verkefnisstyrkinn, þrátt fyrir allt, - hálfu ári of seint, því að Comeniusárið byrjar 1.ágúst.

Koma Portúgals þýðir auðvitað að verkefnið er ekki lengur á milli fjögurra landa heldur fimm og verðum við að setja fána Portúgals aftur á síður verkefnisins og hann á að koma fram í logóinu.

Með komu Portúgals fær verkefnið meiri breidd en það þýðir einnig að við verðum að kynna Portúgal nemendum okkar og segja frá breytingunum. Þetta mun þó ekki hafa áhrif á logósamkeppnina. Ef tillaga með fánunum fjórum vinnur, þá verðum við bara að biðja hönnuðinn að bæta Portúgalsfánanum við.

Dómnefndin (Sigríður Hulda, Ragnheiður og Þórunn) er nú búin að ljúka störfum og hefur valið þrjár tillögur úr hópi allra tillagna til lokakeppninnar. Þær tillögur verða birtar hér á þessari síðu, væntanlega nú um helgina, svo að nemendur geti skoðað þær. Akvæðagreiðslan verður, eins og fyrr var sagt, 5. janúar 2007.

Kveðja
Marjatta verkefnisstjóri